返回
防水耳機 + 真.無線設計.Bragi The Dash 入水能游
2016-07-20
作者: Wai
防水耳機 + 真.無線設計.Bragi The Dash 入水能游
 
 

近期興起「真」無線耳機,除咗貪佢夠輕夠型之外,亦因無線材束縛而深受喜歡運動的用家歡迎。

最近又有代理引入曾於 KickStarter 上集資的 Bragi 「The Dash」,主打支援全面防水性能,甚至可以戴住去游水都仲得。不過 The Dash 價錢就唔算平,定價 HK$2498,想知點解呢隻來自德國的藍牙耳機會賣得比 Samsung Gear Icon X 仲要貴?以下話你知。

 
 

 
入水能游 The Dash
 
 

一般來講,真無線耳機都係用藍牙等技術去連接左右單元,但由於藍牙無法穿透水,因此就算耳機本身防水,游水時都無法戴住聽歌。

不過 The Dash 除支援 IPX7 防水設計、唔怕汗水滴濕之外,更用上「近場磁感應」去連接左右兩個耳機單元,特點是水中仍可傳輸音頻訊號,戴住游水聽歌無問題,但前提係要用內置的 4GB 容量入定歌先。

此外 The Dash 亦支援心率監測功能,另外亦設有多個感應器,可配合手機 App 監測、整理運動時的個人身體數據。

The Dash 功能比其他同類無線耳機豐富,但價錢也略貴,Bragi The Dash 定價 HK$2498,今日起於 truewireless.hk 接受預訂,並於 7 月 28 日正式開賣。

 

▲ The Dash 有專用充電盒,內置 2200mAh 電量,出街都可持續充電

 

▲ The Dash 雖然用的是隔音效果不錯的入耳式設計,但耳機具備「音頻透明度」功能,可接收環境聲音減少意外

 
 
 
分享至Facebook   分享至微博  
;